Por Memori la Planedojn de Nia Sunsistemo

Jen frazo mnemonika (memorhelpa) pri la naŭ planedoj, komencante plej proksime al la Suno: Miranto Vidas Teleskope Multajn Juvelecajn Stelojn, Universon Neniam Palpeblan.   Kaj jensekvias rima helpilo:   La Naŭ Planedoj   Plej proksime al la Suno, kun la plej mallonga kuro,malfacile observebla, ne loĝebla, jen Merkuro.Tagoj duonjare longaj; fluas plumbo, fluas stano;klifoj tri mil metrojn altaj; fora nigro sur safrano.   Plej proksima al la homoj, kvazaŭ al la Ter'ĝemela,Jen Venuso brilas glore, amreĝino noktĉiela;Ege varma, nubkovirta, globo sub kolosaj premoj;kaj roladis dum jarcentoj por poetoj en poemoj.   Trie Tero nun orbitas, kun miraklaj multoblecoj,kun multmilaj, tre diversaj, interdependantaj specoj;kaj scivolas kaj sciiĝas pri la kosmo kaj atomo,glora kaj terura kaj unika ㅡ nur la HOMO.   Marso brilas varme-ruĝe, tamen ĝin glacio tegas,kaj ventegoj polvoplenaj la surfacon ŝtorme regas;Nitrogeno, akvo, estas; eble iam vivis io,sed marsanoj penskapablaj estas, ve! nur fantazio.   La giganta Jupiteron kovras nub-tavol' opaka,hidrogena, heliuma, akva kaj amoniaka;malvarmego, radiado kreas vastan spac-gehenon;kaj premegoj en la koro solidigas hidrogenon.   Sesa, ĉe la limo de la vidopov' sen-lensa,Meze de la brilaj ringoj, jen Saturno, plej maldensa;ringoj kvar el rokfragmentoj, eble eroj satelitaj;vaka globo malvarmega, pluraj gasoj likvigitaj.   Per rigardo teleskopa, verda montras sin Urano;ne pro ia planta vivo, nur pro nuboj el metano;malvarmeg' neimagebla por malgranda menso tera;kaj Urano pro distanco restas fremda kaj mistera.   Sed orbitas pli distance de la Tero kaj la Sunooka mondo pli mistera, pli malvarma ㅡ jen Neptuno;sub neptunaj nuboj eble roka aŭ glacia koroestas, sed eĉ nun ne eblas granda certo, aŭ esploro.   Pro kalkuloj kaj konjektoj astronomo kredis lastan planedeton laŭ logiko; traserĉadis volbon vastan...kaj troviĝis, nur per movoj sur fotita stela fono,eta, fora, frosta, fremda, glaciglobo ㅡ jen Plutono.