Бидний мэдэх Солонгос улсын их дээд сургуулиуд нь бүх л мэргэжил салбаруудаар сургалтуудаа явуулдаг боловсролын шалгуур өндөрт ордог сургуулиудтай билээ. Сүүлийн жилүүдэд олон улсын оюутан солилцооны хөтөлбөр болон хувиараа гадаад оюутнууд ихээр ирж суралцдаг болсон. Тэд олон салбар чиглэлээр мэргэжлийн сонголтоо хийдэг ба биенэсийн удирдлага, санхүү маркетинг, урлаг соёл кино драма найруулагч, анагаах ухааны салбар зэрэг нийтлэг төлөөлөл болсон ангиудыг дурдаж болно. Улс улсын түүх соёл, нийгмийн байдал, өвөрмөц хэв маягаас хамааран сургуулийн суралцах салбарч төрөл бүрээр байдаг бололтой. Та бүхэндээ өнөөдөр түгээмэл элсэн ордог дээрх ангиудаас гадна өөр өвөрмөц онцгой сургалттай ангиуд байдгийг танилцуулахыг зорилоо.
- Нүүрний менежментийн ухаан (얼굴 경영학)Хүмүүсийн нүүрний хувирал, царай төрхний тухай судалгаа хийн царайны шинжлэх ухааныг судалдаг ба хүний нөөцийн удирдлага, хүмүүс хоорондын харилцаа гэх мэт байгууллага доторх харилцаанд ороход ашиглагдах анги юм. Энэхүү анги нь Вонгуан дижитал их сургуульд байдаг.
- Мөрдөгчийн анги (탐정학과) Хувийн мөрдөгч бэлтгэн гаргахын тулд бий болсон анги ба тулааны урлагийн анги, цагдаагийн анги, эрүүгийн сэтгэлзүйн ангитай уялдаа холбоотой ба Соган мэргэжлийн их сургуульд байдаг анги юм.
- Күнзийн дорно дахины анги (유학동양학과)Күнзийн сургаалийг заадаг анги бөгөөд S их сургуулийг үүсгэн байгуулсан үзэл баримтлал, күнзийн үзэл санааг мэргэжлийн түвшинд судалдаг байна.
- Оршуулгын ёслолын зааварчлагч (장례지도사학과)Оршуулгын ёслолын үйл явц төдийгүй зөвлөгөө, тоног төхөөрөмжийн хяналт, цогцсыг бэлтгэх, оршуулгын дадлага гэх мэт хичээл ордог.
- Эрүүл газар тариалан эрхлэх анги (웰빙귀농학과) Газар тариалан эрхлэх бодит ноу хауг зааж өгөн дотоодын тэргүүний тариачин айлуудаар зочлон, нэгдмэл цогц фермийн үйл ажиллагааг явуулж, хүнсний тариалалтын дадлага гэх мэт туршлага дээр тулгуурласан хичээлийг орно. Уг анги нь Олон улсын онлайн их сургуульд байдаг.
- Шавьж хорхойн үйлдвэрийн аж ахуйн анги (곤충산업과)Шавьж хорхойг зориулалтад нь тааруулан тэжээх, боловсруулах дадлагаар соёлын аж үйлдвэрийн бүтээгдэхүүний хөгжүүлэх мөн газар дээрээс нь хэрэглэж болохуйц шавьж хорхойн үйлдвэрийн аж ахуйг бэлтгэн гаргадаг. Уг сургууль нь Солонгос улсын газар тариалан ба далайн аж ахуйн их сургуульд байдаг юм байна.
Мөн түүнчлэн
- Модны нүүрсний дизайны анги- ДэБүүл их сургууль
- Загасны махны баглаа боодолын анги- Пүсан их сургууль
- Гоо даамны анги- Мёнжи их сургууль
- Пиццаны мэргэжлийн анги- Чинжү Пугон их сургууль
- Газрын зураг, зураглал унших анги- Солонгосын халамжийн онлайн их сургууль
- Зочид буудлын хоолны кимчиний эсэлтийн анги- Чоннамгуа их сургууль
- Шавьж хорхойн аж үйлдвэрийн анги- Чонжү гичон их сургууль
- Хэл ярианы онцгой илэрхийлэлтэй амьтны анги- Гёнбүг их сургууль
- Нисдэг тэрэгний зохицуулалтын анги-Хансо их сургууль
- Хануг барилгын анги- Чоннам туриб их сургууль
гэх зэрэг ангиуд байдаг байна.